5. MGA ACH TRANSFER
   

   1. Napapailalim ang mga ACH transfer sa Mga Panuntunan sa Pagpapatakbo ng NACHA. Sumasang-ayon kang sundin ang mga tuntuning ito at nalalapat na batas para sa anumang ACH na transaksyong sasalihan mo. Inaawtorisahan mo kaming magsumite ng mga ACH transfer sa ngalan mo, na isinagawa sa pamamagitan ng App.

   2. Ang mga uri ng mga ACH transfer na available sa iyo ay puwedeng ayusin sa ibang party, gaya ng iyong employer, para electronic na magdeposito ng mga pondo nang isang beses o paulit-ulit sa iyong Taptap Send Wallet.

6. AVAILABILITY NG MGA PONDO

   1. Ginagawa naming available ang mga pondo ayon sa uri ng deposito epi kapag inilalapat o kine-credit ang mga pondo sa iyong Taptap Send Wallet. May ilang uri ng deposito na hindi agad nagiging available na gamitin. Kapag inantala namin ang pagiging available ng mga pondo o kapag nag-hold kami ng pagdeposito sa Taptap Send Wallet mo, hindi mo mawi-withdraw ang mga pondong iyon, epi hindi namin gagamitin ang mga ito para bayaran ang anumang debit, gaya ng mga pagbabayad ng card. May karapatan kaming tanggihan ang anumang deposit.

   2. Kung magdedeposito ka bago ang 2:00 pm PT sa isang Business Day, ikokonsidera namin ang araw na iyon bilang araw ng pagdeposito mo. Kung magdedeposito ka nang 2:00 pm PT o pagkalampas nito sa isang Business Day o sa isang non-Business Day, ikokonsidera namin na isinagawa ang pagdedeposito sa susunod na Business Day. Gagawin naming available ang mga pondo mula sa mga wire transfer o iba pang electronic na pagbabayad sa kung alin ang mas huli sa Business Day na natanggap ito o sa epektibong araw ng transfer o pagbabayad.

7. CARD

   1. Puwede kang mag-oder ng digital card nang hiwalay o bilang karagdagan sa pisikal na card. Ang iyong digital card ay magkakaroon ng hanay ng mga detalye ng card na iba sa iyong pisikal na card, pero magdo-draw ito mula sa iyong Taptap Send Wallet sa parehong paraan. Instant na ia-activate ang iyong digital card epi puwedeng magamit agad.

   2. Ang Card ay hindi isang guarantee card, charge card, gift card, o credit card. Hindi ito puwedeng i-resale. Mananatili ang Card bilang pag-aari ng Bangko at dapat itong isauli kung hihingiin. Hindi puwedeng i-transfer ang Card at puwede itong kanselahin, i-repossess, o bawiin anumang oras nang walang paunang abiso alinsunod sa nalalapat na batas.

   3. Kung makakatanggap ka ng Pisikal na Card, pakilagdaan ang likod nito sa sandaling matanggap mo ito at itabi ito sa ligtas na paraan. Puwede ka naming bigyan ng personal identification number (“PIN”) o puwede ka naming payagang mag-set nito.

   4. Ang Card ay isang debit na produktong iniisyu namin. Puwede itong gamitin para magbayad ng mga produkto at serbisyo online, sa telepono sa pamamagitan ng pagbibigay ng impormasyon gaya ng mga detalye ng card mo (hal., pangalan, address, CVC, 16 digit card number). Puwede mo ring gamitin ang iyong Card para magbayad in person.

   5. Ikaw ang nagpopondo sa Card sa pamamagitan ng balanse ng Taptap Send Wallet mo. Sa tuwing gagamitin mo ang iyong Card para bumili ng mga produkto o serbisyo, kumuha ng cash, o gumawa ng iba pang uri ng funds transfer na awtorisado ng Kasunduang ito, inaawtorisahan mo kaming ibawas sa balanse ng Taptap Send Wallet mo ang halaga ng transfer. Kung susubukan mong magsagawa ng Card transfer na lalampas sa kabuuang balanse ng iyong Taptap Send Wallet, tatanggihan ang transfer.

   6. Sumasang-ayon ka na ang paggamit sa iyong Card para magbayad ay nangangahulugang inaawtorisahan mo ang transaksyon. Responsibilidad mong panatilihing ligtas ang iyong Card. Huwag hayaang gamitin ng iba ang Card mo. Palagi mo dapat panatilihing pribado ang Mga Panseguridad na Detalye ng Card mo.

   7. Kung magbabago ang mga detalye ng Card mo, dapat mong abisuhan ang anumang merchant kung saan ka may umuulit na transfer o kung saan ka may mga naka-store na kredensyal.

   8. Sumasang-ayon kang makipag-ugnayan sa amin sa sandaling maghinala ka o malaman mo ang tungkol sa mga sumusunod:

      1. panseguridad na panganib sa Card mo; o

      2. hindi Awtorisadong Transfer sa Card mo.

   9. Posibleng hindi ka maprotektahan mula sa pananagutan kung malalaman namin na nakiisa ka, o naging mapanloko o pabaya ka, sa paggamit ng iyong Card o Mga Panseguridad na Detalye nito, o kung hindi makatuwirang inantala mo ang pagsasabi sa amin.

   10. Kung magbabayad ka gamit ang Card sa yon Business Day, ide-debit ang transaksyon mula sa Taptap Send Wallet mo hanggang sa katapusan ng Business Day na iyon. Kung magbabayad ka gamit ang Card sa labas ng mga oras ng Business Day, ide-debit ang transaksyon mo mula sa iyong Taptap Send Wallet hanggang sa katapusan ng susunod na Business Day pagkatapos ng transaksyon mo.

   11. Kapag nagbayad ka gamit ang Card o nag-withdraw ka sa yon non-USD currency, ide-debit namin ang Taptap Send Wallet mo sa currency na iyon kung mayroon ka na nito. Kung wala kang currency ng transaksyon mo, ide-debit epi iko-convert muna namin ang anumang USD na pondo epi pagkatapos ay iko-convert namin ito sa currency ng pagbili mo. Kung wala kang USD o kung hindi sapat ang USD mo sa iyong Wallet, gagamitim namin ang mga currency na mayroon ka para sa transaksyon mo. Kung magbabayad o magwi-withdraw ka sa yon currency na hindi namin sinusuportahan, iko-convert namin ang halaga sa kasalukuyang Visa rate

   12. Napapailalim ang Card mo sa mga limitasyong nakatakda sa App. Kung susubukan mong gumastos nang lampas sa limitasyong nalalapat sa iyo, tatanggihan ang transaksyon mo.

   13. Hindi kami mananagot para sa anumang produkto o serbisyong babayaran mo gamit ang Card, o para sa anumang pagkalugi dahil sa hindi pagtanggap o pagtanggi ng merchant sa Card mo.

   14. Puwede kang humiling ng chargeback mula sa amin kung hindi mo naresolba nang direkta sa merchant ang isang dispute tungkol sa isang transaksyon. Iimbestigahan namin ang iyong kahilingan sa chargeback at magpapasya kami kung magpoproseso ba ng anumang chargeback depende sa sitwasyon at alinsunod sa mga panuntunang itinakda ng Visa.

   15. Mananatili lang na valid ang Card mo hanggang sa petsa ng pag-expire nito. Aabisuhan ka namin sa loob ng sapat na panahon bago i-renew ang mag-e-expire mong Card. May karapatan kang tutulan ang anumang naturang renewal kung gusto mong panatilihing deactivated ang Card mo pagkatapos ng expiration, sa pamamagitan ng pagkontak sa amin gamit ang “Suporta” sa App.

   16. Puwede mong kanselahin ang iyong Card anumang oras sa pamamagitan ng App.

   17. Hindi namin responsibilidad ang kalidad, kaligtasan, pagiging legal, o anupamang aspeto ng anumang produkto o serbisyong binibili mo gamit ang iyong Card. Ang anumang dispute o isyu sa anumang produkto o serbisyong bibilhin mo gamit ang iyong Card ay dapat isangguni sa mga merchant o indibidwal na pinagbilhan ng mga produkto at serbisyo.

   18. Hindi ka makakatanggap ng mga cash refund para sa mga transaksyon sa Card. Kung ike-credit ka ng merchant para sa pagsasauli ng merchandise o mga adjustment, magagawa ito ng merchant sa pamamagitan ng pagpoproseso ng credit adjustment. Ia-adjust namin ang balanse ng Taptap Send Wallet mo pagkatapos naming magproseso ng credit adjustment.

8. MGA LIMITASYON SA ACCESS SA SERBISYO

   1. Mga Limitasyon

      1. Sumasang-ayon ka na puwede kaming maglapat ng mga limitasyon sa halagang puwede mong a) i-load sa iyong Taptap Send Wallet; b) gamitin sa Card mo. Posibleng hindi magamit ang Card mo sa mga partikular na merchant na may limitadong merchant code.

      2. Puwede kaming maglagay ng mga limitasyon kada transfer o bilang kabuuan.

      3. Para makuha ang mga pinakabagong limitasyon, pakikontak kami gamit ang App.

   2. Mga Pagkaantala. Puwede naming iantala o suspindihin ang isang Serbisyo kabilang ang (pero hindi limitado sa):

      1. para i-verify ang iyong pagkakakilanlan para tugunan ang anumang panseguridad na alertong matatanggap namin kaugnay ng paggamit mo ng Mga Serbisyo;

      2. i-validate ang iyong Tagubilin sa Pagbabayad;

      3. dahil sa isang system outage ng service provider;

      4. dahil sa isang system outage o tagubilin ng Taptap Send; o

      5. iba pa para makasunod sa nalalapat na batas.

   3. Pagsususpinde. Puwede namin tanggihan ang anumang kahilingang mag-load o mag-refund ng mga pondo sa/mula sa iyong Taptap Send Wallet, o suspindihin ang paggamit mo ng Mga Serbisyo kung naniniwala kami na:

      1. lalampas ka sa anumang nalalapat na limitasyon dahil dito;

      2. lalabag ito sa Kasunduang ito;

      3. hindi ito awtorisado (hal., may ibang sinusubukang gamitin ang Mga Serbisyo nang walang pahintulot mo);

      4. mapanloko ito (kabilang na kapag pinaghihinalaan naming posibleng biktima ka ng scam);

      5. posibleng ilegal ang ikinikilos mo; o

      6. kinakailangan naming gawin ayon sa batas.

   4. Sa pangkalahatan ay aabisuhan ka namin bago o agad-agad pagkatapos tanggihan ang isang Tagubilin sa Pagbabayad o suspindihin ang paggamit mo ng Mga Serbisyo, at ibibigay namin ang aming mga dahilan kung bakit namin ito ginawa. Gayunpaman, hindi kami magbibigay ng mga dahilan o anumang impormasyon kung labag ito sa batas o kung makokompromiso nito ang aming mga hakbang panseguridad.

9. MGA KARAPATAN MO KUNG MAY MGA ISYU SA ISANG TRANSAKSYON
   

   1. Kung sa tingin mo ay may nag-access sa iyong Taptap Send Wallet gamit ang iyong Mga Panseguridad na Detalye o kung mayroong error, dapat mo itong sabihin agad sa amin sa pamamagitan ng pagtawag sa 1 (833) 916-0670, pag-email sa amin sa support@taptapsend.com, o pagsulat sa amin sa 228 Park Ave S., Suite 87488, New York, NY 10003-1502.

   2. Mga Hindi Awtorisadong Transfer

      1. Kung maipapaalam mo sa amin ang maling paggamit sa iyong Mga Panseguridad na Detalye sa loob ng dalawang (2) Business Day mula nang malaman mo ang tungkol dito, hindi lalampas sa $50 ang puwedeng mawala sa iyo, o ang kabuuang halaga ng Mga Hindi Awtorisadong Transfer kung wala pa itong $50.

      2. Kung hindi mo maipapaalam sa amin ang maling paggamit sa iyong Mga Panseguridad na Detalye sa loob ng dalawang (2) Business Day mula nang malaman mo ang tungkol dito, at mapapatunayan namin na kaya sana naming pahintuin ang Mga Hindi Awtorisadong Transfer kung naiulat ito, puwede kang mawalan nang hanggang $500.

      3. Kung may makikita kang Hindi Awtorisadong Transfer sa iyong History ng Transaksyon, dapat mo itong ipaalam sa amin sa loob ng 60 araw pagka-access sa History ng Transaksyon. Kung hindi ka magsasabi sa amin sa loob ng 60 araw pagka-access sa History ng Transaksyon, posibleng walang maisauling pera sa iyo na nawala mo pagkalipas ng 60 araw kung mapapatunayan namin na puwede sana naming mapigilan ang isang tao na kunin ang pera kung mas maaga kang nakapagsabi sa amin.

      4. Sumasang-ayon ka na makipagtulungan sa amin nang lubos sa mga pagtatangkang bawiin ang mga pondo mula sa mga hindi awtorisadong user epi tulungan ka na mapanagot sila. Puwedeng mag-isyu ang Bangko ng kapalit na Card, pero pagkatapos mo lang makapagbigay ng anumang pruweba epi seguridad o indemnipikasyon kung hinihingi ng Bangko. Kinikilala mo na puwedeng i-deactivate ng Bangko ang iyong Card epi Taptap Send Wallet para maiwasan ang mga pagkalugi sa hinaharap.

   3. Mga Error

      1. Kung sakaling may mga error o tanong tungkol sa iyong mga electronic transfer, makipag-ugnayan sa amin gamit ang mga detalyeng nasa seksyong Makipag-ugnayan sa Amin sa lalong madaling panahon, kung sa tingin mo ay mali ang iyong History ng Transaksyon o resibo o kung kailangan mo ng higit pang impormasyon tungkol sa isang transfer na nakalista sa History ng Transaksyon o resibo. Dapat kaming makabalita sa iyo nang hindi lalampas sa 60 araw pagkatapos UNANG lumabas sa iyong History ng Transaksyon ang problema o error.

      2. Kailangan mong ipaalam sa amin ang mga sumusunod:

         • Ipaalam sa amin ang iyong pangalan, address, numero ng telepono, epi Taptap Send Wallet number o Card number.

         • Ilarawan ang error o transfer na hindi mo sigurado, at ipaliwanag nang malinaw hangga't maaari kung bakit sa tingin mo ay isa itong error o bakit kailangan mo ng higit pang impormasyon.

         • Sabihin sa amin ang dolyar na halaga ng pinaghihinalaang error.

      3. Kung pasalita mo itong sasabihin sa amin, ire-require ka namin na ipadala ang iyong reklamo o tanong sa pamamagitan ng pagsulat sa loob ng 10 Business Days.

      4. Tutukuyin namin kung may naganap bang error sa loob ng 10 Business Days pagkatapos naming makarinig mula sa iyo at itatama namin agad ang anumang error. Pero kung kailangan namin ng higit pang panahon, puwedeng umabot nang hanggang 45 araw ang pag-iimbestiga namin sa iyong reklamo o tanong. Kung magpapasya kaming gawin ito, ike-credit namin sa account mo ang halagang sa tingin mo ay error sa loob ng 10 Business Days, para magamit mo ang pera habang kinukumpleto namin ang aming imbestigasyon. Kung hihilingin namin sa iyo na isulat ang iyong reklamo o tanong at hindi namin ito matatanggap sa loob ng 10 Business Days, hindi namin make-credit ang account mo.

      5. Posibleng mas matagal ang mga timeline na ito (hanggang dalawang beses na mas matagal) kung binuksan mo ang iyong Lead Account sa nakalipas na 30 araw.

      6. Sasabihin namin sa iyo ang mga resulta sa loob ng 3 business days pagkatapos makumpleto ang aming imbestigasyon. Kung nagpasya kami na walang naging error, padadalhan ka namin ng nakasulat na paliwanag at ide-debit namin ang account mo para sa pansamantalang na-credit na halaga. Puwede kang humingi ng kopya ng mga dokumentong ginamit namin sa aming imbestigasyon sa pamamagitan ng isa sa mga paraang nakalista sa itaas.

   4. Mga Refund

      1. Magre-refund kami ng transaksyon kung hihingiin ng batas.

      2. Puwede naming tanggihan ang kahilingan mong refund kung mapapatunayan namin na kumilos ka sa mapanlokong paraan; sinasadya mo ang o lubos kang naging pabaya sa hindi pagsasagawa ng lahat ng makatuwirang hakbang para panatilihing lihim ang iyong Mga Panseguridad na Detalye; natanggap ng transfer recipient ang pera; o may pagkakamali sa Tagubilin sa Pagbabayad (hal., mga detalye ng account ng recipient) na ibinigay mo sa amin.

      3. Kung isinagawa namin ang transfer alinsunod sa iyong Tagubilin sa Pagbabayad, at saka na lang nalaman na mali pala ang impormasyon, hindi namin pananagutan ang pagkakamali. Gagawa kami ng mga makatuwirang hakbang para bawiin ang mga pondo para sa iyo.

      4. Awtomatikong ike-credit ang mga refund sa Lead Account.

      5. Makakatanggap ka lang ng mga refund para sa mga pagbabayad sa Card sa currency na ginamit mo para magbayad. Kung ginamit mo ang iyong Card para magbayad sa currency na hindi mo hawak sa yon Lite Wallet, iko-convert namin ang halaga sa Visa exchange rate epi ike-credit ito sa Wallet mo sa currency nito. Nagbabago araw-araw ang rate epi ang halagang ike-credit ay posibleng hindi katumbas ng orihinal mong ginastos.

10. ANG RESPONSIBILIDAD NAMIN
    

    1. Sumasang-ayon kaming ipagkaloob sa iyo ang Mga Serbisyo nang may makatuwirang pag-iingat. Kinikilala mo na posibleng hindi maging available ang Mga Serbisyo, buo man o ilang bahagi nito, sa ilang partikular na rehiyon, bansa, o hurisdiksyon. Maliban kung tinukoy o hinihingi ng batas, wala kaming inaakong anumang fiduciary na obligasyon sa ngalan mo.

    2. Alinsunod sa nalalapat na batas epi sa aming kahilingan, sumasang-ayon ka na ipagtanggol, bigyang-danyos, epi ipawalang-sala ang Bangko, ang Taptap Send, epi ang aming mga parent, subsidiary, epi iba pang affiliated na kumpanya, epi ang aming epi ang kani-kanilang mga empleyado, contractor, opisyal, epi direktor, laban sa anuman epi lahat ng claim, kaso, danyos, gastos, demanda, multa, kaparusahan, pananagutan, epi gastusin (kabilang nang walang limitasyon ang mga makatuwirang bayarin sa abogado epi mga gastusin sa korte) na dulot ng paglabag mo sa Kasunduang ito, sa nalalapat na batas, o sa anumang karapatan ng third-party o dahil sa iyong panloloko o sinasadyang maling gawi. Nakalaan sa amin ang karapatang akuin ang eksklusibong depensa epi kontrol ng anumang usaping napapailalim sa indemnipikasyon mo, kung saan kakailanganin mong makipagtulungan sa pagkakaloob sa amin ng mga available na depensa.

    3. Kung naging matindi ang paglabag namin sa Kasunduang ito na nagdulot ng pagkalugi sa iyo, ire-refund namin sa iyo ang halaga ng transaksyon at ang anumang siningil na Bayad sa Serbisyo. Posible ka ring magkaroon ng karapatan sa iyong mga bayarin sa mga abogado at mga gastusin sa paghahain ng dispute. Ang anumang claim ng kompensasyong gagawin mo ay dapat suportado ng anumang available na nauugnay na dokumentasyon. Maliban kung iba ang sinasabi ng batas, hayagan naming nililimitahan ang aming pananagutan para sa naturang pagkalugi sa kung alin ang mas malaki sa dalawa: (i) ang halaga ng anumang bayad sa serbisyo na ibinayad sa amin; at (ii) $500. Nalalapat ang cap na ito sa pananagutan sa kahit na anong nag-iisang transfer, aksyon, omisyon, o pangyayari at sa kahit ilang magkakaugnay na transfer, aksyon, at omisyon o pangyayari.

    4. Maliban kung hayagang isinaad sa Kasunduang ito o kung hindi man ay hinihingi ng nalalapat na batas, kami, ang aming mga affiliate, at ang mga service provider, sa pag-aalok ng Lead Account at Card, at mga nauugnay na serbisyo, ay walang responsibilidad o pananagutan para sa anumang hindi direkta, insidental, kinahinatnan, espesyal, exemplary, o mapagparusang danyos na dulot ng o nauugnay sa Lead Account, Card, anumang produkto o serbisyong binili gamit ang Lead Account, o sa Kasunduang ito sa anumang paraan (pati na rin ang anumang nauugnay o naunang kasunduang posibleng mayroon ka sa amin).

    5. Hindi namin ginagarantiya na palaging available epi walang error ang website o App ng Taptap Send. Sumasang-ayon ka na hindi kami magiging responsable para sa mga pansamantalang pagkaantala sa serbisyo dahil sa maintenance, mga pagbabago sa website, o mga pagpalya, epi hindi kami mananagot para sa matatagal na pagkaantala dahil sa mga pagpalyang hindi namin kontrolado, kabilang ang, pero hindi limitado sa, pagpalya ng mga interconnecting epi operating system, mga computer virus, mga puwersa ng kalikasan, mga dispute sa labor, epi mga armadong hidwaan. Wala kaming magiging responsibilidad sa iyo para sa anumang pagkalugi o danyos na natamo mo dahil sa pagpalya ng mga system epi software na ginagamit mo para magamit ang aming mga system o ang mga system epi software na ginagamit mo para makapagsimula o makapagproseso ng mga transaksyon sa pagbabangko, direkta mang sinimulan o pinroseso sa aming mga system o sa third party na service provider ang mga naturang transaksyon. Kinikilala mo na ikaw lang ang mananagot para sa kaakmaan ng mga system epi software na ginagamit mo sa pagpoproseso ng mga transaksyon sa pagbabangko epi sa kakayahan ng mga naturang system epi software na gawin ito sa tumpak na paraan.

    6. Kapag lang kontrolado namin, kung hindi namin makukumpleto ang isang transfer na itinagubilin alinsunod sa Kasunduang ito sa tamang oras o halaga, kami ang mananagot para sa iyong mga pagkalugi o danyos. Gayunpaman, hindi kami magiging responsable kung:

       1. wala kang sapat na pera sa Taptap Send Wallet mo para gawin ang transfer;

       2. walang sapat na cash ang ATM kung saan ka nag-withdraw;

       3. hindi gumagana nang maayos ang ATM o ang system at alam mong hindi ito gumagana nang maayos noong sinimulan mo ang withdrawal;

       4. hindi pumayag ang merchant na tanggapin ang iyong Card o magbigay ng cash back;

       5. anumang pagkabigong ipagkaloob ang Serbisyo dahil sa mga sirkumstansyang makatuwirang maikokonsidera na abnormal at hindi inaasahan sa paraang hindi namin makatuwirang makokontrol, na posibleng kinabibilangan ng mga pagkaantala o pagpalya dahil sa mga problema sa ibang system o network (kabilang ang mga system o network ng aming Taptap Send), mekanikal na pagkasira, o mga pagpalya sa pagpoproseso ng data;

       6. para sa mga paunang awtorisadong electronic fund transfer, hindi natanggap sa tamang panahon ang data ng third-party o kulang o mali ito, o namatay ang transfer recipient;

       7. na-hold namin ang Card mo pagkatapos itong mawala o manakaw, o naghihinala kaming hindi awtorisado ang transfer;

       8. যদি কোনো হোল্ড থাকে বা আপনার তহবিলগুলি আইনি প্রক্রিয়া বা তাদের ব্যবহার সীমিত করার অন্যান্য সংমিশ্রণ সাপেক্ষে;

       9. tinutupad namin ang aming mga obligasyon sa ilalim ng mga nalalapat na batas, panuntunan, o regulasyon;

       10. kung may empleyado sa isang network na hindi nakapag-transmit ng impormasyon sa amin sa tamang paraan; o

       1. আপনার সাথে আমাদের চুক্তিতে বর্ণিত অন্যান্য ব্যতিক্রমগুলি প্রাসঙ্গিক।

    7. Sa kabila ng anumang sumasalungat na bahagi ng Kasunduang ito, hindi kami dapat managot sa ilalim ng anumang teorya ng tort, kontrata, hindi patas na kapakinabangan, mahigpit na pananagutan, o iba pang legal o equitable na teorya para sa mga nawalang tubo, nawalang kita, nawalang oportunidad sa negosyo, exemplary, mapagparusa, espesyal, insidental, hindi direkta, o kinahinatnang danyos, kung saan ang bawat isa ay hindi namin pananagutan, naipagpalagay man namin o hindi, o dapat man naming maipagpalagay o hindi, o napayuhan kami, tungkol sa posibilidad ng mga naturang danyos. Para maiwasan ang pagdududa, wala sa naunang pangungusap ang maglilimita sa mga monetaryong remedyong karapat-dapat mong gamitin sa ilalim ng Electronic Funds Transfer Act.

11. MGA PAGBABAGO SA KASUNDUAN

Anumang oras ay puwede naming baguhin, i-delete, o idagdag ang anumang bagong tuntunin sa Kasunduang ito. Kung sakaling magkakaroon ng malaking epekto ang naturang pagbabago sa iyo epi/o sa paggamit mo ng mga serbisyo, magbibigay kami sa iyo ng abiso ng anumang ganoong pagbabago sa loob ng hindi bababa sa 21 araw. Kung patuloy mong gagamitin ang aming mga serbisyo, ipagpapalagay na pumapayag ka sa mga pagbabago. Kung ayaw mong sumang-ayon sa yon pag-amyenda, may karapatan kang isara ang Taptap Send Wallet mo bago mailapat ang pag-amyenda.

Puwede mong ma-access ang pinakabagong bersyon ng Kasunduang ito sa App.

12. PAGWAWAKAS NG KASUNDUAN
    

    1. Magpapatuloy ang Kasunduang ito hanggang sa wakasan mo o namin ito.

    2. Puwede mong wakasan ang Kasunduang ito anumang oras nang walang babayaran sa pamamagitan ng pagkontak sa amin sa pamamagitan ng pagsulat (sa email) sa mga detalyeng nasa seksyong Tungkol sa Amin.

    3. Puwede naming wakasan ang Kasunduang ito at ang access mo sa Mga Serbisyo anumang oras, nang may dalawang (2) buwang abiso.

    4. Puwede naming wakasan agad ang Kasunduang ito at ang access mo sa Mga Serbisyo kung:

       1. makatuwiran naming pinaniniwalaang ginagamit mo ang Mga Serbisyo sa paraang mapanloko o ilegal;

       2. kailangan namin itong gawin dahil sa nalalapat na batas, regulasyon, utos ng hukuman, o mga tagubilin ng regulator;

       3. kung babawiin mo ang iyong pahintulot na makatanggap ng anumang kinakailangang abiso mula sa amin sa electronic na paraan;

       4. kung hindi mo ibinigay sa amin ang impormasyong kailangan namin, o kung makatuwiran kaming naniniwala na mali o hindi totoo ang impormasyong ibinigay mo; o

       5. kung nilabag mo ang Kasunduang ito sa paraang malubha o paulit-ulit, at hindi mo naiwasto ang usapin sa loob ng makatuwirang tagal ng panahong hiniling namin sa iyo na itama ito.

    5. Dapat kanselahin ang anumang umuulit na pagbabayad o withdrawal mula sa iyong Taptap Send Wallet, gaya ng mga pagbabayad ng bill, bago mo hilinging isara ang iyong Taptap Send Wallet. Kung hindi, puwedeng hindi mabayaran ang mga ito. Kapag naisara na ang Taptap Send Wallet mo, hindi na kami tatanggap ng mga deposito o magpoproseso ng mga tagubilin sa pagbabayad. May karapatan kaming payuhan ang mga consumer reporting agency epi iba pang third-party reporting agency tungkol sa mga account na isinara dahil sa maling paggamit.

    6. Aabisuhan ka namin sa lalong madaling panahon kung wawakasan namin agad ang Kasunduan, kung pinapahintulutan ito ng batas.

    7. Kapag nagwakas na ang Kasunduang ito, ihihinto na namin ang pagpoproseso ng anumang bagong pagbabayad epi sisikapin naming i-refund ang anumang halagang nasa Taptap Send Wallet mo. Ipagpapatuloy namin ang mga tagubilin ng pagbabayad na isinumite epi nakabinbin pa rin sa panahon ng pagwawakas ng Kasunduan. Magpapatuloy ang mga obligasyon mong bayaran kami pagkatapos magwakas ng Kasunduan.

    8. Puwede namin ikonsiderang “hindi aktibo” ang Taptap Send Wallet mo kung wala kang ginawang aktibidad sa account sa loob ng 365 araw. Kung hindi pa rin aktibo ang status ng Taptap Send Wallet mo pagkalipas ng karagdagang 365 araw, puwede namin itong ituring na “dormant,” kung saan sa pagkakataong ito ay puwede na naming isara ang iyong account. Puwede naming ibigay sa iyo ang balanse ng iyong Taptap Send Wallet, minus ang anumang halagang dapat bayaran sa amin, sa pamamagitan ng pagpapadala ng mga pondo sa iyong naka-link na external account o pagme-mail ng tseke sa pinakakamakailan mong address na mayroon kami sa mga record namin. Puwedeng hilingin sa amin ng estado na i-transfer ang balanse ng iyong hindi aktibong Taptap Send Wallet sa yon ahensya ng estado, kung saan puwede kang mag-file ng claim para mabawi ang mga pondo. Kung isasara ang Taptap Send Wallet mo para sa anumang dahilan, magtatabi kami ng sapat na pera para masagot ang anumang pagbabayad na inaprubahan mo o perang kailangan mong bayaran sa amin bago isara ang iyong account.

13. PAANO PINOPROTEKTAHAN ANG PERA MO

Hindi bangko ang Taptap Send epi hindi ito ang mismong humahawak ng mga deposito. Ang Mga Taptap Send Wallet ay ipinagkakaloob ng Lead Bank Member FDIC. Ini-insure ng FDIC ang mga depositong hanggang $250,000 kada depositor, kada naka-insure na bangko, para sa bawat kategorya ng pagmamay-ari ng account, batay sa mga panuntunan ng insurance sa deposito. Irehistro ang iyong Taptap Send Wallet para sa pagiging kuwalipikado sa insurance ng FDIC epi iba pang proteksyon para sa iyong mga U.S. dollar (“USD”) fund. Kapag nasa yon Taptap Send Wallet na, naka-insure ang mga USD na pondo mo nang hanggang $250,000 sa FDIC kung sakaling pumalya ang Lead Bank, kung matutugunan ang mga partikular na kinakailangan sa deposit insurance, epi rehistrado ang account mo. Tingnan ang fdic.gov/deposit/deposits/prepaid.html para sa mga detalye.

14. MGA REKLAMO / KOMPENSASYON
    

    1. Kung may reklamo ka tungkol sa isang error, reresolbahin ang naturang reklamo batay sa mga prosesong nakabalangkas sa Seksyon 9. Kung mayroon kang anumang iba pang reklamo na nauugnay sa paggamit mo ng Serbisyo, makipag-ugnayan sa amin.

    2. Gagawin namin ang aming makakaya para resolbahin ang iyong reklamo sa lalong madaling panahon, at padadalhan ka namin ng pinal na sagot sa pamamagitan ng email sa loob ng labinlimang (15) Business Day pagkatanggap ng reklamo. Kung sa mga pambihirang pagkakataon, sa mga dahilang hindi namin kontrolado, ay kailangan namin ng higit pang panahon para sumagot, magpapadala kami sa iyo ng sagot ng pag-hold sa loob ng labinlimang (15) Business Day pagkatanggap sa reklamo mo para ipaalam sa iyo kung kailan mo matatanggap ang pinal naming sagot. Ang pinal na sagot ay hindi lalampas ng tatlumpu't limang (35) business day mula sa petsa kung kailan namin unang natanggap ang reklamo mo.

    3. Ang pinakamagandang paraan para makontak kami ay sa pamamagitan ng paggamit sa mga detalyeng nasa seksyong Makipag-ugnayan sa Amin. Puwede ring maabot ang Lead Bank sa: clientsupport@lead.bank; 866-845-9545; 1801 Main St, Kansas City, MO 64108.

    4. Kung hindi ka masaya sa naging sagot namin, puwede mong isangguni ang iyong reklamo sa Consumer Financial Protection Bureau (“CFPB”), at i-tag ang alinmang kumpanyang sumasaklaw sa inirereklamong serbisyo; tingnan ang https://www.consumerfinance.gov/ask-cfpb. Puwede mo rin silang tawagan sa (855)-411-CFPB.

15. MGA BAYARIN
    

    1. Sumasang-ayon kang bayaran ang lahgat ng Bayaring nauugnay sa Taptap Send Wallet epi Card mo. Ang mga naturang bayarin ay iwi-withdraw mula sa iyong Taptap Send Wallet sa sandaling may matamong bayarin, epi ia-assess ito kahit wala nang natitirang balanse sa iyong account, maliban kung ipinagbabawal ng batas. Batay sa sarili naming pagpapasya, puwede naming amyendahan ang Mga Bayarin alinsunod sa batas.

    2. Puwede kaming maningil sa iyo ng Bayarin sa paggamit ng iyong Card sa mga ATM, epi ang mga ATM owner-operator ay puwedeng magpataw ng kanya-kanya nilang bayarin bukod pa sa mga nakalista rito epi puwede silang magtakda ng mas mabababang limitasyon sa mga cash withdrawal. Kung magwi-withdraw ka ng pera, ang halaga ng withdrawal, pati na ang lahat ng bayarin, ay kakaltasin mula sa Taptap Send Wallet mo sa panahon ng transaksyon.

16. MGA ELECTRONIC NA KOMUNIKASYON
    

    1. Kinikilala mo na papasukin ang Kasunduang ito nang electronic, at ang mga sumusunod na kategorya ng impormasyon (“Mga Komunikasyon”) ay puwedeng ibigay sa electronic na paraan:

       1. Kasunduang ito at anumang pag-amyenda, modipikasyon, at karagdagan dito;

       2. History ng Transaksyon mo;

       3. anumang inisyal, pana-panahon, o iba pang paghahayag o abiso na ibinibigay kaugnay ng Mga Serbisyo, kabilang nang walang limitasyon ang mga kinakailangan ng batas;

       4. anumang komunikasyon sa serbisyo sa customer, kabilang ang mga komunikasyon kaugnay ng mga claim ng error o hindi awtorisadong paggamit ng Mga Serbisyo; at

       5. anupamang komunikasyong nauugnay sa Mga Serbisyo, sa amin, o sa Taptap Send.

    2. Hindi pinapayagan ng Mga Serbisyo ang pagbibigay ng Mga Komunikasyon sa pamamagitan ng papel na format o iba pang hindi electronic na paraan. Puwede mong bawiin ang iyong pahintulot na makatanggap ng Mga Komunikasyon sa electronic na paraan, pero kung gagawin mo ito, wawakasan ang paggamit mo ng Mga Serbisyo. Para bawiin ang pahintulot mo, dapat kang makipag-ugnayan sa amin sa pamamagitan ng email.

    3. Kopya ng Kasunduan: Available ang Kasunduang ito para mabasa mo anumang oras sa pamamagitan ng App o sa aming website. Ipapadala namin sa email ang kopya ng mga tuntuning ito sa unang beses na magrehistro ka para sa Mga Serbisyo. Puwede mo ring hilingin sa amin na mag-email sa iyo ng kopya ng mga tuntuning ito (kabilang ang anumang modipikasyon) anumang oras.

    4. History ng Transaksyon: Padadalhan ka namin ng email sa email address na ibinigay mo para abisuhan ka na puwede nang tingnan sa App ang iyong buwanang History ng Transaksyon. Puwede mo ring i-download ang History ng Transaksyon mula sa App para may record ka. Dapat mong basahing mabuti ang mga ito at abisuhan kami sa loob ng 60 araw kung may anumang Hindi Awtorisadong Transfer sa iyong History ng Transaksyon.

    5. Sa pamamagitan ng pagbibigay sa amin ng numero ng telepono ng isang wireless na device, sumasang-ayon kang makatanggap ng mga hindi pang-marketing na komunikasyon mula sa amin at aming mga affiliate at agent sa naturang numero. Ang mga tawag at mensahe ay puwedeng magdulot ng mga bayarin sa pag-access mula sa cellular provider mo.

17. IBA PANG MAHAHALAGANG TUNTUNIN
    

    1. Sumasaklaw na Batas. Sumasang-ayon ka na, maliban kung pipigilan ng pederal na batas, ang Kasunduang ito ay mapapailalim sa mga batas ng Estado ng Missouri.

    2. Mga Dispute. Kung gusto mo kaming idemanda sa mga korte, ang mga korte lang ng New York ang puwedeng mangasiwa ng dispute sa pagitan natin kaugnay ng Kasunduang ito at aming Mga Serbisyo.

    3. Mga Legal na Pagdinig. Nauunawaan mo na paminsan-minsan, puwede kaming makatanggap ng mga legal na dokumento, o "Legal na Proseso," kaugnay ng iyong Taptap Send Wallet, kabilang ang mga writ ng attachment, execution o garnishment, mga utos sa pag-withhold ng buwis, mga levy, mga restraining order, mga subpoena, mga warrant, mga injunction, mga paghiling ng impormasyon mula sa mga ahensya ng gobyerno, mga search warrant, mga utos ng forfeiture. Sumasang-ayon ka na hindi kami nire-require na kontrahin ang anumang Legal na Proseso. Ayon sa sarili naming paghuhusga, puwede ka naming abisuhan tungkol sa pagtanggap namin ng Legal na Proseso, pero hindi namin ito kailangang gawin sa ilalim ng nalalapat na batas. Puwede kaming obligahing i-hold o ipasa ang mga pondo ng Taptap Send Wallet mo o iba pang pag-aari sa yon korte, creditor, ahensya ng gobyerno, o pinangalanang tao.

    4. Kawalan ng Kakayahan o Pagkamatay. Sumasang-ayon ka na aabisuhan kaagad kami ng itinalaga mong party o indibidwal, o ng designee mo, kung namatay ka o kung wala ka nang kakayahan sa mata ng batas. Patuloy kaming tatanggap ng mga deposito epi magpoproseso ng mga tagubilin sa transaksyon patungo sa epi mula sa iyong Taptap Send Wallet hanggang sa (1) maabisuhan kami tungkol sa iyong pagkamatay o adjudication ng kawalan ng kakayahan, epi (2) magkaroon kami ng makatuwirang pagkakataong umaksyon. Puwede kaming humingi ng karagdagang dokumentasyon para kumpirmahin ang anumang claim sa iyong Taptap Send Wallet.

    5. Walang Karapatan ng Third Party. Walang kahit na anong ipinahayag o binanggit sa Kasunduang ito ang ipagpapalagay na pagbibigay sa kahit na sino, maliban sa mga party na nasa Kasunduang ito, ng anumang legal o equitable na karapatan, remedyo, o claim sa ilalim ng o kaugnay ng Kasunduang ito o anumang probisyon ng Kasunduang ito. Ang Kasunduang ito at ang lahat ng probisyon nito ay para lang sa natatangi at eksklusibong kapakinabangan ng mga party sa Kasunduang ito at ng mga successor at pinapayagang itinalaga ng mga ito.

    6. Wika. Sa Ingles isinagawa ang Kasunduang ito. Ingles ang wikang gagamitin namin sa pakikipag-ugnayan sa iyo (maliban kung iba ang hinihingi ng batas).

    7. Waiver. Kung nalabag mo ang Kasunduan at hindi namin ginamit ang aming mga karapatan, o naantala namin ang paggamit sa mga ito, hindi ito makakapigil sa amin na gamitin ang mga karapatang iyon o ang anupamang karapatan sa hinaharap.

    8. Paglipat ng mga karapatan. Hindi mo puwedeng ilipat sa kahit na sino ang alinman sa mga karapatan o obligasyon mo sa ilalim ng Kasunduang ito. Puwede namin ilipat o italaga ang Kasunduang ito epi/o ang alinman sa aming mga karapatan epi/o obligasyon sa Kasunduang ito anumang oras nang wala ang pahintulot mo.

    9. Kabuuang Kasunduan. Ang Kasunduang ito ang kabuuang kasunduan sa pagitan natin. Pinapalitan nito ang anumang naunang pagkakaunawaan, kasunduan, o usapan sa pagitan natin tungkol sa usapin ng Kasunduang ito, sa paggamit sa App at/o sa aming Mga Serbisyo.

    10. Pagkakahiwalay. Kung ituturing na invalid, ilegal, o hindi maipapatupad ang anumang probisyon sa Kasunduang ito, hindi maaapektuhan ang mga natitirang probisyon sa anumang paraan at sumasang-ayon kang tumanggap ng kapalit ng naturang probisyon.

    11. Paglalahad ng iyong personal na impormasyon. Ibabahagi namin ang iyong personal na impormasyon alinsunod sa aming Patakaran sa Privacy. Bilang karagdagan, tandaan na magbabahagi kami ng impormasyon tungkol sa Taptap Send Wallet sa mga third party para tugunan ang mga kahilingan ng tagapagpatupad ng batas epi kung kinakailangan sa ilalim ng nalalapat na batas.

    12. Mga Salungatan. Napapailalim sa Kasunduan sa User ng Taptap Send ang mga serbisyo ng Taptap Send, kabilang ang mga remittance, Lite Wallet, epi digital content. Napapailalim sa Kasunduan sa Mga Serbisyo ng Taptap Send Wallet ang Mga Taptap Send Wallet epi Card. Kung magkakaroon ng salungatan, mananaig ang kasunduang sumasaklaw sa nauugnay na serbisyo. Sa kabila ng anumang nabanggit, ang mga probisyon ng arbitrasyon ay dapat mapailalim sa kasunduang nalalapat sa serbisyong naging dahilan ng claim.

18. JURY TRIAL WAIVER
    
    Kinikilala natin na ang karapatan sa isang pagdinig ng jury ay isang Konstitusyunal na karapatan na puwedeng i-waive sa ilang partikular na pagkakataon. Hangga't pinapahintulutan ng batas, nauunawaan at kusa nating wine-waive ang anumang karapatan sa pagdinig ng jury kung sakaling magkakaroon ng paglilitis dahil sa o kaugnay ng Kasunduang ito o sa ugnayan mo sa Bangko o sa Taptap Send. Hindi maaapektuhan ng jury trial waiver na ito ang at hindi ito dapat ipagpalagay na pagbabago sa mga waiver ng arbitrasyon at class action na nakasaad sa mga susunod na seksyon, na may mga kaukulang jury trial waiver.

19. CLASS ACTION WAIVER

Sumasang-ayon ka at ang Lead Bank na kung magkakaroon ng anumang dispute, claim, o kontrobersya dahil sa o kaugnay ng Kasunduang ito o sa paggamit mo sa Mga Serbisyo, isasagawa lang ito sa indibidwal na batayan at hindi bilang bahagi ng anumang class, consolidated o representative action, sa paglilitis man o sa arbitrasyon. Ipinapaubaya mo ang anumang karapatang sumali bilang class representative o class member. Isinusuko ng mga party ang karapatang magsilbi bilang private attorney general sa anumang hurisdiksyon kung saan posibleng pinapahintulutan ang naturang proseso.

20. PROBISYON NG ARBITRASYON

    1. Ang anumang claim, dispute, o kontrobersya (“Claim”) na dulot ng o nauugnay sa kahit na anong paraan sa iyong Account o Card o sa Kasunduang ito ay PINAL epi EKSKLUSIBONG reresolbahin ng may bisang inidibdwal na arbitrasyon na isasagawa ng American Arbitration Association (“AAA”) sa ilalim ng Consumer Arbitration Rules nito. Isinasagawa ang kasunduang ito sa arbitrasyon (ang “Probisyon sa Arbitrasyon”) alinsunod sa yon transaksyong kinasasangkutan ng interstate commerce epi dapat mapailalim sa Federal Arbitration Act (9 U.S.C. 1-16). Para sa kopya ng mga proseso ng AAA, para mag-file ng Claim, o para sa iba pang impormasyon, makipag-ugnayan sa AAA sa: AAA sa 335 Madison Avenue, New York, NY 10017; website at www.adr.org.

    2. MANDATORYO AT MAY BISA ANG ARBITRASYON NG IYONG CLAIM. WALANG SINUMANG PARTY ANG MAGKAKAROON NG KARAPATANG LITISIN ANG NATURANG CLAIM SA PAMAMAGITAN NG ISANG KORTE. SA ARBITRASYON, WALANG SINUMANG PARTY ANG MAGKAKAROON NG KARAPATAN PARA SA ISANG PAGDINIG NG JURY O MAGSAGAWA NG PAGLALAHAD NG EBIDENSYA, MALIBAN KUNG NAKASAAD SA CODE NG PROSESO NG AAA.
       

    3. Ang lahat ng pagpapasya sa lawak, interpretasyon, kakayahang maipatupad, at validity ng Kasunduang ito ay dapat eksklusibong isapinal ng arbitrator, kung saan magiging mabisa at pinal na ang kanyang desisyon. Puwedeng ipasok sa anumang korteng may hurisdiksyon ang hatol sa award ng arbitrasyon.

    4. Lokasyon ng arbitrasyon at mga gastos. Ang anumang personal na pagdalo ay isasagawa sa lokasyong makatuwirang maginhawa para sa parehong party nang may karampatang konsiderasyon sa kakayahan nilang bumiyahe at iba pang mahahalagang sirkumstansya. Kami ang magbabayad sa paghahain ng arbitrasyon, mga bayaring pang-administratibo, at bayad sa arbitrator, alinsunod sa nalalapat na batas o mga panuntunan ng arbitrasyon. Ang bawat party ang mananagot para sa kanya-kanya nilang mga bayad sa mga abogado, maliban kung iba ang nakasaad sa ilalim ng nalalapat na batas.

    5. Pagpapatuloy. Kung may anumang bahagi ng Probisyon ng Arbitrasyon na ito na salungat sa Kasunduang ito, o sa Kasunduan sa User ng Taptap Send, o sa anumang iba pang kasunduang sumasaklaw sa anumang produkto o serbisyong ipinagkakaloob ng Taptap Send, ang Probisyon ng Arbitrasyon na ito ang mananaig. Magpapatuloy ito sa kabila ng pagsasara ng iyong Taptap Send Wallet, pagwawakas ng anumang produkto o serbisyong ibinibigay ng Taptap Send, pagwawakas ng anumang kasunduang pinasok mo kasama ng Taptap Send o Lead Bank, epi anumang pagbawi o pagtanggi o desisyon sa anumang aplikasyon para sa yon Taptap Send Wallet; epi nauunawaan mo epi sumasang-ayon ka na ang Probisyon ng Arbitrasyon na ito ay nalalapat hindi lang sa Kasunduang ito kundi pati na rin sa anumang susunod na kasunduan (kabilang nang walang limitasyon ang anumang kasunduang sumasaklaw sa anumang produkto o serbisyo) na pinasok mo kasama ng Taptap Send o Lead Bank. Para maiwasan ang pagdududa, nalalapat lang ang Probisyon ng Arbitrasyon na ito sa anumang claim na saklaw ng Kasunduang ito epi hindi nito sinasapawan ang mga probisyon ng arbitrasyon na nasa iba pang kasunduang sumasaklaw sa ibang serbisyo. Kung mapagpapasyahang invalid o hindi maipapatupad ang anumang bahagi ng Probisyon sa Arbitrasyon na ito, hindi nito gagawing invalid ang mga natitirang bahagi ng Probisyon sa Arbitrasyon na ito.

    6. Eksepsyon sa Small Claims. Sumasang-ayon ang mga party na hindi nalalapat ang Probisyon sa Arbitrasyon na ito sa “small claims,” ibig sabihin, mga claim na karapat-dapat ihain at i-maintain ng sinumang party sa isang naaangkop na small claims court o anumang aksyon kung saan ang kabuuang halagang pinag-uusapan ay hindi lalampas sa $10,000, kabilang ang anumang claim para sa mga bayad sa attorney at non-monetary relief.

    7. Mga koordinadong claim. Kung 25 o higit pang Claimant ang magsusumite ng magkakatulad na Abiso o maghahain ng magkakatulad na arbitrasyon laban sa amin na magbabanggit ng halos magkakatulad na isyu ng batas o impormasyon at nirerepresenta ang mga ito ng iisa o koordinadong counsel (isang “Mass Arbitration” ayon sa depinisyon ng AAA Mass Arbitration Supplementary Rules), dapat pangasiwaan at resolbahin ang Mga Claim sa pamamagitan ng yugto-yugtong pagdinig, sang-ayon sa mga panuntunang nabanggit at sa Seksyong ito. Sumasang-ayon ka na puwedeng maantala ang resolusyon sa Claim mo dahil sa prosesong ito. Sa unang yugto, pipili ang mga party ng hanggang 25 claim (50 sa kabuuan) na isa-isang ihahain at ia-arbitrate sa harap ng magkakahiwalay na arbitrator. Kung wala pang 50 ang Claim, puwedeng pumili ang bawat panig ng hanggang kalahati ng kabuuang Mga Claim. Kapag makatuwirang maisasagawa, dapat piliin ang mga arbitrator alinsunod sa mga panuntunan sa consumer ng AAA, kabilang ang konsiderasyon sa mga tinitirhang estado ng mga claimant. Maliban sa nakasaad sa ibaba, walang iba pang arbitrasyon na nasa Mass Arbitration ang puwedeng magpatuloy habang nakabinbin ang Unang Yugto. Dapat pangasiwaan ng AAA ang mga arbitrasyon alinsunod sa mga panuntunan nito at dapat lang itong mag-assess at mangolekta ng bayad para sa mga arbitrasyong aktuwal na isinasagawa sa naturang yugto. Hindi nalalapat ang subsection na ito sa mga claimant na hindi kinakatawan ng pareho o koordinadong counsel. Pagkatapos ng Unang Yugto, dapat lumahok ang mga party sa nag-iisang mediation na tumutugon sa lahat ng natitirang claim kung saan kami ang magbabayad ng mga bayarin sa mediator, alinsunod sa nalalapat na batas at mga panuntunan ng AAA. Kung mananatiling hindi resolbado ang Mga Claim pagkatapos ng mediation, magpapatuloy ang mga party sa pangalawang stage kung saan pipili ng hanggang 50 claim na isa-isang ia-arbitrate, na susundan ng mediation. Kung may mga claim pa rin pagkatapos ng pangalawang stage, magpapatuloy ang proseso pero hanggang 100 claim na ang ia-arbitrate sa mga susunod na yugto. Pagkatapos ng pangalawang yugto, random na pipiliin ng AAA o ng designee nito ang Mga Claim; puwedeng italaga ang mga arbitrator mula sa mga naunang yugto kung hindi makatuwirang available ang mga karagdagang arbitrator; at magiging opsyonal ang mediation ayon sa desisyon ng counsel ng mga claimant. Magpapatuloy ang yugto-yugtong prosesong ito hanggang sa maresolba ang lahat ng claim. Para sa anumang Claim na napapailalim sa Seksyong ito, ang anumang nalalapat na preskripsyon o takdang panahon sa kontrata ay sususpindihin mula sa petsa kung kailan napili ang mga unang pilotong claim hanggang sa ang claim ng claimant ay mapili para sa arbitrasyon, ma-withdraw, o maresolba sa ibang paraan. Puwedeng ipatupad ng isang korteng may sapat na hurisdiksyon ang Seksyong ito, kabilang ang pagpapahinto sa paghahain o prosekusyon ng mga arbitration o pag-assess o pangongolekta ng mga bayarin sa arbitrasyon na hindi nakakasunod sa Seksyong ito o sa AAA Mass Arbitration Supplementary Rules. Kung may pinal na hudisyal na pagpapasya na hindi maipapatupad ang yugto-yugtong prosesong nakasaad sa Seksyong ito, puwedeng dumiretso ang Mga Claim sa arbitrasyon. Sa ganitong pagkakataon, dapat lang i-assess at bayaran ang mga bayarin sa AAA at arbitrator kapag isinagawa ang mga arbitrasyon at itinalaga ang mga arbitrator, sa halip na sa oras ng inisyal na paghahain.

    8. Karapatang mag-opt out. Kung hindi ka sang-ayon sa ganitong Probisyon sa Arbitrasyon, huwag i-activate o gamitin ang Card o ang Taptap Send Wallet. Para isara ang Taptap Send Wallet mo, makipag-ugnayan sa Taptap Send epi humiling ng refund (kung naaangkop). Puwede ka ring mag-opt out sa Probisyon sa Arbitrasyon sa pamamagitan ng pagpapadala ng email mula sa email address mo na naka-file sa Taptap Send sa support@taptapsend.com sa pamamagitan ng paglalarawan sa Kasunduang ito epi pagsasabing tinatanggihan mo ang Probisyon sa Arbitrasyon. Magiging mabisa lang ang yon abiso ng pagtanggi kung matatanggap ito ng Taptap Send sa loob ng hindi lalampas sa 10 araw sa kalendaryo pagkatapos buksan ang iyong Taptap Send Wallet. Kahit tanggihan mo ang Probisyon sa Arbitrasyon na ito, mananatiling valid epi epektibo ang Jury Trial Waiver, epi isasama ito sa Kasunduan. Kung tatanggihan mo itong Probisyon sa Arbitrasyon, hindi ito makakaapekto sa iba pang probisyon ng Kasunduan o sa mga obligasyon mo sa ilalim ng Kasunduan. Kung hindi mo tatanggihan nang tama ang Probisyon sa Arbitrasyon na ito, magiging epektibo ito simula sa petsa ng paglagda mo sa Kasunduan.